ПРОГРАММА

 

АҚПАРАТТЫҚ ХАТ

Қазақстан Республикасының ғылым және жоғары білім министрлігі

Абай атындағы Қазақ ұлттық педагогикалық университеті

Математика, физика және информатика факультеті

 

 

ҚҰРМЕТТІ ӘРІПТЕСТЕР!

Сіздерді мектеп информатикасының 40-жылдығына және педагогика ғылымдарының докторы, профессор Е.Ы. Бидайбековтың 80 жылдық мерейтойына арналған «МАТЕМАТИКАЛЫҚ МОДЕЛЬДЕУ МЕН АҚПАРАТТЫҚ ТЕХНОЛОГИЯЛАР БІЛІМДЕ ЖӘНЕ ҒЫЛЫМДА» атты X Халықаралық ғылыми-әдістемелік конференциясының жұмысына қатысуға шақырамыз

 1 - 3 қазан 2025 ж., Қазақстан, Алматы

 

Конференцияға Қазақстан Республикасының Ғылым және жоғары білім министрлігінің өкiлдерi, отандық және шетелдiк жетекшi ғалымдар, университеттер, академиялық мекемелер өкiлдері және білім беруде цифрлық технологияларды пайдалану саласындағы жаңашыл педагогтар қатысады.

 

Конференция жұмысының бағыттары

1. Жоғары білім беруді ақпараттандыру. Жасанды интеллект және иммерсивті технологиялар
2. Математика, информатика және ақпараттық-математикалық модельдеу
3. Мектепте информатиканы оқыту әдістемесі және  білім беруде цифрлық технологияларды пайдалану
4. Жаратылыстанудың кері және қисынды емес есептері

5. Физика-математикалық және STEАM білім беруді ақпараттандыру
6. әл-Фараби мұрасы заманауи білім беруде; білім беруді ақпараттандыру жағдайындағы педагогикалық өлшеулер

 

Конференция аясында ұйымдастырылатын іс-шаралар

• Ресей білім академиясы (РБА) мен Абай атындағы ҚазҰПУ-дың біріккен “Білім беруді ақпараттандырудың теориялық және әдістемелік негіздері (мектеп информатикасының 40 жылдығына арналған)" екінші халықаралық ғылыми-әдістемелік вебинары (семинары)
• Абай атындағы Қазақ ұлттық педагогикалық университетінің "Информатика" мамандығы түлектерінің кездесу-форумы

Конференция өтетін орны мен уақыты

Конференция Абай атындағы Қазақ ұлттық педагогикалық университетінің Математика, физика және информатика факультетінде өткізіледі. 

Конференцияның ашылуы – 1 қазан 2025 ж., сағат 10:00.

Конференцияның жұмыс тілдері: қазақ, орыс, ағылшын

  

Өтiнiштердi тiркеу және баяндамаларды беру

Конференцияның ашылуына баяндамалар жинақ түрінде басып шығарылады. Қатысу үшін өтiнiш және баяндама тезистерi 2025 жылдың 15 қыркүйегіне дейiн mmiton.kaznpu.kz мекен-жайы бойынша қабылданады.

1. Баяндама мәтіні А4 форматында 5 беттен аспауы керек, RTF форматында MS WORD мәтіндік редакторында дайындалуы тиіс. Формулалар Microsoft Equation формула редакторында, суреттер *.jpg или *.gif форматында ұсынылуы керек.
2. Бет параметрлері: барлық өрістер – 2,5 см. Қаріп: Times New Roman, KZ Times New Roman (өлшемі - 12), жоларалық интервал: бірлік. Жоғарғы сол бұрышта ӘОЖ көрсетіледi.
3. Келесі жолдың ортасына авторлардың аты-жөнi бас әрiптермен, жартылай қалың қаріппен теріледі. Бір аралықтан кейін жолдың ортасына бас әріптермен жартылай қалың шрифтпен баяндаманың тақырыбы теріліп жазылады. Бір аралықтан кейін жолдың ортасына бас әріптермен автордың жұмыстың орындалған мекеме атауы, қаласы, елі (көлбеу қаріппен, қысқартусыз) теріліп жазылады.
4. Бір аралықтан кейін қазақ, орыс және ағылшын тілдерінде аңдатпа жазылады (қаріптің өлшемі - 10). Бір аралықтан кейін кілттік сөздер (5-6 сөз), бір аралықтан кейін азат жолдан бастап баяндаманың мәтіні теріліп, жазылады. Пайдаланылған әдебиеттер тізімі қойылған сілтеме бойынша мақаланың соңында ретімен теріліп жазылады. Автор (авторлар) жайлы мәлімет: толығымен аты-жөні, жұмыс орыны (мекеменің атауы, ЖОО-ның атауы толық және қысқартылған түрде), ғылыми дәрежесі, ғылыми атағы, жұмыс орынының телефоны, e-mail жазылады. Баяндама файлдың атауы аты-жөні және қатысушының атыжөнiнiң бiрiнші әрiптерiмен мазмұндалуы тиіс. Мысалы: nurgalievaFT.doc

Ұйымдастыру комитеті конференция материалдарына қосу үшін баяндамаларды таңдап алуды өздері шешеді.

Конференцияға мақалаларды жіберу және тіркелу жайлы қосымша ақпараттарды http://mmiton.kaznpu.kz/ сайтынан таба аласыздар. Өтініштерді қабылдау, баяндамалар, жарияланымдар сұрақтары бойынша келесі мекен-жайға хабарласуыңызға болады: 050010, ҚР Алматы қаласы, Төле би 86, Абай атындағы ҚазҰПУ Математика, физика және информатика факультеті, 3 қабат, каб. 308 (жұм.тел.: 272-30-73, 272-8272, 272-75-87; +7 747 353 01 63 (wa.me/7473530163 Базарбаева Үміт).

Конференцияға қатысу үшін ұйымдастыру шығыны (конференцияның материалдарының жинағы) 6000 теңгені құрайды, төлем «Банк Центр Кредит» ИИК KZ 178560000000086696 БИК КСJBKZKX, РНН 600900529562, БИН 031240004969, Кбе 16 есеп шотына төлеу арқылы жүзеге асырылады.

Түбiртекте конференцияға қатысушының аты-жөнi, «МАТЕМАТИКАЛЫҚ МОДЕЛЬДЕУ МЕН АҚПАРАТТЫҚ ТЕХНОЛОГИЯЛАР БІЛІМДЕ ЖӘНЕ ҒЫЛЫМДА» конференциясына қатысу деп көрсетілуі керек. Түбiртектiң электрондық көшiрмесiн e-mail: http://mmiton.kaznpu.kz/ мекен жайына жiберу керек.

Жол шығыны мен тұру шығындары конференция қатысушыларының есебiнен төленедi.

Конференция жұмысының нәтижелері бойынша үздік баяндамалар «Абай атындағы ҚазҰПУ-нің Хабаршысы. Физика - математика ғылымдары сериясы» (журналды ҚР ҒжЖБМ ҒЖБССҚЕК ұсынған) журналында жариялауға ұсынылады.